విజయం

విజయం

ఓటమి దగ్గరలో ఉండి
విజయం కోసం పోరాడుతున్న
ఏ జట్టును చూసినా నాకనిపిస్తుంది .
ఆ జట్టులో నేనుండాలని
దానిని విజయ తీరాలకు చేర్చాలని.

హింసింపబడుతూ
వేదన అనుభవిస్తున్న
ఏ ప్రాణిని చూసినా
నాకనిపిస్తుంది .
హింసించే వాళ్ళను
నేనెదుర్కోవాలని ,
ఆ ప్రాణికి
ఆనందాన్నీ,స్వేచ్చనూ పంచాలని.

అలా
అనిపించడమే కదా
విజయాలను సృజించే,
స్వేచ్చనూ,ఆనందాన్నీ పంచే
పనులకు మూలం.