ఎందుకో?

వేగంగా ఎగిరే కొంగను
ఒక్క దెబ్బతో నేలకూల్చగల
మా పల్లె పిల్ల వాళ్ళు
ఏ అభినవ్ బింద్రా నో కాలేరు.ఎందుకో?

ఒక్కసారి విని
ఏదైనా పాటను
అచ్చుగుద్దినట్టు పాడే
మా పల్లె చిన్నారి తెలివి
అర్ధంతరంగా
అత్తారింటికి పంపబడుతోంది , ఎందుకో?

పట్నం పిల్లల కంటే
అధిక శారీరక సామర్ధ్యం, అత్యంత నైపుణ్యం గల
నా పల్లె పిల్ల ముడి వజ్రాలు
సాన పెట్టబడి
జాతి వజ్రాలై మెరవడం లేదెందుకో?